pu teikil sarmon

<script async src="//pagead2.googlesyndication.com/pagead/js/adsbygoogle.js"></script>
<ins class="adsbygoogle"
     style="display:block; text-align:center;"
     data-ad-layout="in-article"
     data-ad-format="fluid"
     data-ad-client="ca-pub-9415895051989666"
     data-ad-slot="7288675464"></ins>
<script>
     (adsbygoogle = window.adsbygoogle || []).push({});
</script>

A hmaisa bikah kan hngalh khawh lengin lam a kan hruai tu Pathian min thiang thangthat si ko seh.Daihnak le remnak hmuh awkah an ko tu hna Pathian nih thluachuahnak in pe ko hna seh.Thlualam ciiruang vialte Pathian bia ah thazaang la dingin kan in sawm hna.

Keimah laica tial hmanh a thiam lomi pa nih Pathian bia ah thazaang lak kan sawm hna tikah hin thitsa mit in kai zoh ahcun ka ning zong a zak,asinain thlarau mit in kai zoh ahcun Khrih chungah angan hlei zong kan um lo,ahme hlei zong kan um lo.Cucaah Pathian bia hi raltha tein ka hmuh khawh tawk nan sinah ka van chim ngam nak a si.Minung paoh nih kan herh mi cu daihnak le remnak a si.Daihnak le remnak a um lo ahcun thanchonnak lam a um lo.Athanchon mi si kan duh ahcun daihnak le remnak lam kawl hna usih.

Daihnak le remnak lam cu atu i ka van chim dingmi hi a si.(Matthai;6-33) Zeidang vialte nakin Pathian pennak le zeidah tuah hna seh ti a kan duh timi kha biapi deuhin ruat hna ulaw thil dang vialte zong an pek ko hna lai a kan ti.Pathian pennak cu zeidah a si kan ti ahcun Pathian uknak ti zong ti khawh a si ko.

U le nau hna mah kaa zawn te hi nangmah ah van i check ta ti ka duh.Micheu cu Pathian nakin kan pastor te le kan uktu nih a kan uk deuh.Hiti ka ti tikah pastor le uktu nawl ngei lo ding ka ti duhnak a si lo.Abiapi deuhmi hi zeidah a si ti theih kha a herhmi cu a si.Micheu cu chaw le va nih a kan uk.Hi zong hi a si awk a si ko nain kan ei ruangah kan nung lo.Anungmi kan si ruang tuah kan ei.Kan ei ruang i kan nun ahcun mithi khi a chungah rawlchiah ahcun a nung hnga.Cucaah kan nunnak caah hin a herh deuhmi thil thim thiam hi a biapi tuk.

Vancung pennak chung lut ko hna usih.Vancung pennak chung ahcun nang bu kei bu ti um lo.Mihrut,mithiam ti zong a um lo.Siifak ,mirum ti zong a um lo.Sal ,bawi ti zong a um lo.Kan dihlakin Khrih tlamtlin nak kha kan i hrawm dih.Atu cu jesuh khrih he nan i pehtlaih nakin a nungmi hna caah cun sualphawt nak a um ti lo,zeicahtiah jesuh he ai pehtlai in nunnak a kan petu thlarau phung nih cun sualnak le thihnak phung chung khan a kan luat ter cang.(Rom;8-1)cucaah zumhawk taktak cu Pathian bia lawng a si ko.Bible hi a rel lawng rel ding a si lo.A ei in ei ding a si.(John;6-52)

Pathian dawtnak ka cungah khing rit ngai in ka nunnak a umni in nihin ni tiang Bible ka thlah ngam ti lo.Aruang cu ka rel deuhdeuh ,ka santlaih lonak a lang deuhdeuh.Pathian thawnnak le dawtnak bochan tlak a sinak ka hmuh deuhdeuh.Cun Bible chungah hin thil dang tampi ka hmu lo.Pasarih ka hmuh hna.(1)Bible hi Jesuh kong lawngte a si tiin ka hmuh.Jesuh hrimhrim nih (John;5-39)ah cathiang nih a dihlakin keimah kong lawngte a chim a ti.Relchih ding,(John;5-46),(luka;24-27),(Luka;24-44).

(2),Zumtu,(3),zumlo tu,(4),hrinthar,(5),thar lo,(6),thlarau hruaimi,(7),hruai lomi,mah hna hi ka hmuh mi hna an si.Nang khoi kaa zawn ahhin dah na umnak a si.A pahnihnak hi zumtu a si ko nain hrinthannak a co lo ahcun Pathiam bia kha a thei kho lo.Aruang cu Pathian member a si rih lo caah a si.Kan member a si lomi cu zeihmanh kan chim bal hna lo.Pathian nih theihnak a pek hna lo caah anmah ruahnak in an kal.Anmah nakin thil ti kho deuhmi sinah khan an tang.Cucaah minung chung lawng cun hnangam nak a chuah lo caah an thlacam nak cu a harnak chim caan ah an hman tawn.

(4)nak cu,(John;3-3)Jesuh nih cun biatak tein kan chimh ahohmanh hi hrinthan a si lo ahcun Pathian pennak a hmu kho bal lai lo ati.Zei he dah ai lawh ti ahcun bawhkeuh nih minung sinak 100/100 in a ngeih ko nain zeihmanh hawi caah thatnak a tuah khawh lo bantuk khi a si.Kan hrinthan zongah Pathian fa cu 100/100 kan si ko nain hngakchia te bantuk kan si.Hitiang ahhin thanchonnak cu um rih loh.Atha tuk lo kan ti lai cu.

(6)nak cu,Kan thancho khawh nak ding a si.(Rom8:14),Pathian thlarau nih a hruaimi cu pathian fa an si.Kannih a kan hruai tu cu Bawipa lawnglawng si ko seh.Zei kan tuah lai zongah Bawipa ruahnak zeidah a si ti hngalh kha i zuam ko hna usih.Thlarau hruai lomi nih cun thla an cam tikah pawngkam thil sining aa thlennak le kan thanchon nak ca le chantiluan kan dawi khawhnak caah thla an cam.Hi cu a tha ve ko nain thlarau hruaimi nih cun hi tihin thla an cam.Hoi hlam cem ah anmah thlennak dingah fak piin thla an cam hmasa.Hihi a hman mi a si.(Job;8-6)Nangmah kha na din i nai thlen ahcun na Pathian cu na caah ai hlau hrimhrim lai ati.

(Rom;8-31)Pathian kanmah lei a tan ahcun aho nih dah a kan doh khawh lai,a fapa hrimhrim hmanh kha a zuah tung lo.Kan caah pei a pek kha.Thil dang vialte zong hi a lak in a kan pek ko lai.Bawipa minthiang thangthat si ko seh,!!!Tithuk na tan tikah na sinah ka um lai,meialh na ton tikah an hliam lai lo.(Asaiah;43-2)dawtu Pathian aw hi kan caah a khing a zaang tuk sual lai ti hi phan a um ko.Acung lei i kan chimmi hna hi na thlarau chungah khumh law nawlngei tuah naa ser hna ahcun daihnak le remnak cu thlualam ciiruang kan zate cungah a tlung ko lai.

Thanchonak hi nihin caah nawl ngei tu a si.Thaizing caah hnangam nak a si.Thanchonak hi daihnak le remnak in aa thawk.Chim tu ngai tu kan dihlak cungah Bawipa nih thluachuah kan pek piak ko seh.Achim tu,Pu Tei Kil

Kuala lumpur Malaysia....<script async src="//pagead2.googlesyndication.com/pagead/js/adsbygoogle.js"></script>

<ins class="adsbygoogle"
     style="display:block; text-align:center;"
     data-ad-layout="in-article"
     data-ad-format="fluid"
     data-ad-client="ca-pub-9415895051989666"
     data-ad-slot="7288675464"></ins>
<script>
     (adsbygoogle = window.adsbygoogle || []).push({});
</script>